Ҳамдиёрони арҷманд!

Бо самимият ва изҳори беҳтарин таманниёт ҳамаи шуморо бо Рӯзи Президенти Ҷумҳурии Тоҷикистон табрик намуда, дар иҷрои ҳадафҳое, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барои рушди Ватани азизамон муайян кардаанд, сулҳу осоиштагӣ, рӯзгори хуш ва дар амалӣ гаштани нақшаҳои созанда комёбиву пирӯзиҳо орзумандам.

Пешвои маҳбуби миллат, Ҷаноби Олӣ, муҳтарам Эмомалӣ Раҳмон, баробари бо иқдоми дурандешонаи вакилони мардумӣ дар Иҷлосияи таърихиву саодатовари 16-уми Шӯрои Олии Ҷумҳурии Тоҷикистон дар он солҳои басо ҳассосу ногувори 90-уми асри XX ба вазифаи Раиси Шӯрои Олии Ҷумҳурии Тоҷикистон интихоб ва вориди майдони сиёсат шудан, барои ба даст овардани сулҳи комил, пойдории сулҳу субот ва таъмини амнияти мардум ҷонфидоиву корнамоиҳо нишон доданд.

Иқдомҳои нахустин ҷиҳати хомӯш кардани оташи ҷанги шаҳрвандӣ, ба Ватан баргардонидани ҳазорҳо нафар гурезагони иҷборӣ, қабули Конститутсия ва интихоботи Президенти ҷумҳурӣ барои таҳкими пояҳои давлатдории навини тоҷикон заминаии боэътимод гузошт.

Роҳандозии ҳадафҳои стратегии миллӣ, аз ҷумла раҳоӣ бахшидан аз бунбасти коммуникатсионӣ, расидан ба истиқлоли энергетикӣ, таъмини амнияти озуқаворӣ ва ҳадафи чаҳоруми миллӣ – саноатикунонии босуръати кишвар, татбиқи лоиҳаҳои азими бунёди роҳу нақбҳо, нерӯгоҳҳои бузурги барқӣ, ҷашн гирифтани санаҳои таърихӣ, баргузории ҳамоишҳои байналмилалӣ, озмунҳои ҷумҳуриявӣ, арҷгузорӣ ба бузургони миллат аз ҷумлаи ташаббусу ибтикороти дурандешона ва фарҳангпарваронаи Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон аст, ки дар шакл гирифтани мафкураи миллӣ, тарғиби ғояҳои ватандӯстӣ, ҳифзи арзишҳои миллӣ, шинохти ҳуввияти миллӣ, боло бурдани ҳисси худшиносии насли наврас ва ҷавонон, омӯзишу муаррифии адабиёти оламшумули тоҷику форс, рушди иқтисодӣ, иҷтимоӣ ва фарҳангии кишварамон ва боло рафтани мавқеи Тоҷикистон дар арсаи байналмиллалӣ нақши равшан бозиданд.

Боиси ифтихори мо ҳамватанон аст, ки ташаббусҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон, дар бораи ҳифзиимаъбаъҳои об дар сайёра бо Қатъномаҳои Маҷмаи Умумии Созмони Милали Муттаҳид аз ҷониби ҷомеаи ҷаҳонӣ пазируфта, ҳоло мавриди амал қарор доранд. Таҷрибаи сулҳофарии Пешвои муаззами миллати мо имрӯз аз ҷониби ҷомеаи ҷаҳонӣ пазируфта ва омӯхта мешавад.

Асосгузори сулњу вањдати миллї-Пешвои миллат, Президенти Љумњурии Тољикистон, муњтарам Эмомалї Рањмон дар ин солҳо шонздаҳ маротиба бо сафари корї ба шањри Панљакент ташриф оварда, дањњо иншооти таъиноти гуногун бо фарогирии ҷойҳои нави корӣ ба истифода дода, дар тантанаҳои бузурги идона, аз љумла таљлили 1150- солагии устод Абўабдуллоњ Рўдакї, љашни 5500-солагии Саразми бостонї, љашни байналмиллалии Наврўз дар солњои 2018 ва 2022, ифтитоҳи коргоҳи бузурги коркарди маъдани тилло ва мис дар корхонаи муштараки “Зарафшон”, дигар иншооти муҳими таъиноти истеҳсолию иҷтимоӣ иштирок намуданд.

Моҳи июли соли равон зимни ташрифи навбатиашон ба шаҳри Панҷакент биноҳои нави муассисаҳои таълимӣ, тиббӣ ва корхонаҳои истеҳсолӣ, дар маҷмӯъ беш аз 40 иншшоти таъиноти гуногун мавриди истифода қарор дода, дар мулоқот бо фаъолони шаҳр вазифаҳо барои имрӯз ва оянда, истиқболи сазовори ҷашни бузурги 35- солагии истиқлоли давлатии кишварамон возеҳу равшан муайян карда шуданд

Имрӯз мардуми шарафманди Панҷакенти бостонӣ чун тамоми халқи заҳматқарину сарбаланди Тоҷикистон таҳти роҳбарӣ ва сиёсати бунёдкоронаи Пешвои муаззами миллат, муҳтарам Эмомалӣ Раҳмон бо азму иродаи қавӣ ва эътиқоду боварии комил ба фардои дурахшон амал карда, барои ҳифзи дастовардҳои даврони соҳибистиқлолии Ватани маҳбубамон, бо дастовезҳои арзанда истиқбол гирифтани ҷашни бузурги 35- солагии истиқлоли давлатии кишвари азизамон кӯшиши ба харҷ медиҳанд.

Бори дигар Рӯзи Президенти Ҷумҳурии Тоҷикистонро ба ҳама ҳамдиёрон муборакбод намуда, ба Пешвои муаззами миллат саломатву сарбаландӣ ва роҳнамоии ҳамешагии миллати шарафманди тоҷик, ба ҳамаи шумо сиҳатмандиву саодати зиндагӣ ва ба Тоҷикистони азиз осмони софу беғубор ва гулгулшукуфиро таманно менамоям.

Поянда бод Тоҷикистони соҳибистиқлол, бо Пешвои муаззами миллат!

Рӯзи Президенти Ҷумҳурии Тоҷикистон муборак бод!

Бо рушди корҳои ободкорию созандагӣ дар доираи нақшаи омодагиҳо ба ҷашни 35- солагии истиқлоли давлатии Ҷумҳурии Тоҷикистон, бунёди биноҳои баландошёнаи истиқоматӣ дар шаҳри Панҷакент талабот ба масолеҳи бинокорӣ меафзояд.

Дар ҳамин замина бо дастгирии мақомоти иҷроияи маҳаллии ҳокимияти давлатии шаҳри Панҷакент дар шаҳр ҳоло коргоҳҳои коркарди қуму шағал ташкил шуда, фаъолият мекунанд.

Корхонаҳои коркарди сангу қуму шағали ҶДММ “Маҳмадқул Меликов”-и соҳибкор Юсуф Меликов ва ҶДММ “Диёрии ҷавонӣ”-и Мирзо Турсунов, ки дар соҳили дарёи Зарафшон бунёд шудааанд, аз ҷумлаи онҳо мебошанд.

Зимни боздиди раиси шаҳр Абдухолиқ Холиқзода аз рафти фаъолияти ин коргоҳҳо гуфта шуд, ки онҳо бо механизмҳои зарурӣ таҷҳизонида шуда, 24 нафар ба кор фаро гирифта шудаанд ва эҳтиёҷони ширкатҳои бинокорӣ ва аҳолиро бо ин навъи масоеҳи бинокорӣ асосан таъмин менамоянд.

Ба соҳибмулкони корхонаҳо ҷиҳати васеъ намудани истеҳсолот, зиёд намудани истеҳсоли масолеҳи бинокорӣ, ҷалби бештари коргарон дастур дода шуд.

Шиносоӣ ва назорат ба рафти корҳо ҷиҳати иҷрои нақшаи омодагиҳо ба ҷашни 35-солагии истиқлоли давлатии Ҷумҳурии Тоҷикистон, раванди ободкорию созандагӣ дар маҳалҳо дар маркази тавааҷҷӯҳи мақомоти иҷроияи маҳаллии ҳокимияти давлатии шаҳри Панҷакент қарор дорад.

Дар ҳамин замина раиси шаҳр Абдухолиқ Холиқзода дар ҷараёни сафари корӣ ба Ҷамоати деҳоти Косатарош бо рафти бунёди як қатор иншооти таъиноти иҷтимоӣ ва истеҳсолӣ шинос шуд.

Дар деҳаи Чорбоғ бо рафти бунёди маҷмааи варзишӣ ва савдо, ки аз ҷониби соҳибкор Акмал Эшбобоев сохта мешавад, шинос шуда, ин иқдоми ӯ шоиста арзёбӣ карда шуд.

Маҷмааи варзишӣ аз толори варзиш, толорҳои бозии саққо ва бозии кӯдакон иборат буда, дар маркази савдо фурӯши масоҳи бинокорӣ ба роҳ монда мешавад.

Дар ҷараёни сафари корӣ ҳамчунин бо сохтмони синфхонаҳои иловагӣ дар назди муассисаи таҳсилоти миёнаи умумии №81, бинои кӯдакистон дар деҳаи Нови чомоқ аз ҷониби соҳибкор Нарзулло Раҷабов, кӯдакистон дар маҳаллаи нави деҳаи Чорбоғ шинос шуда, барои тезонидани суръати сохтмон, аз ҷумла дар фурсати кӯтоҳ болопӯш намудани боми синфхонаҳои иловагӣ дастур дода шуд.

Зимни сафар, ҳамчунин аз рафти бунёд ва азнавсозии пойгоҳи обкашии “Дашти калон-1” ва канал дар деҳаи Косатарош, ки бо маблағгузории КМ “Зарафшон” аз ҷониби пудратчӣ ҶДММ “Файзи куҳистон” бунёд мешавад ва барои обёрии 200 гектар замин пешбинӣ шудааст, дидан намуда, барои дар мӯҳлати пешбинишуда анҷом додани сохтмон маслиҳат дода шуд.

Ҳамдиёрони азиз!

Бо як ҷаҳон таманниёти нек ҳамаи мардуми шарифи диёри бостониамонро ба муносибати Рӯзи қабули Конситутсияи Ҷумҳурии Тоҷикистон, ки соҳибихтиёрӣ ва тамомияти арзиши кишварамонро таъмин намуда, кафили баробарҳуқуқии шахс, озодӣ, дӯстии халқу миллатҳо мебошад, табрик менамоям.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барҳақ таъкид кардаанд, ки “Конститутсия барои аз байн бурдани хатаре, ки ба Истиқлоли давлатӣ таҳдид мекард, шароити зарурии ҳуқуқӣ муҳайё карда, барои аз нобудӣ наҷот додани давлати тозаистиқлоли тоҷикон ва аз парокандагӣ раҳоӣ бахшидани миллати тоҷик асос гузошт, ҷиҳати расидан ба ваҳдати миллӣ таҳкурсии устувор гардид ва дар он марҳалаи ҳассоси таърихӣ барои гузоштани асосҳои аркони давлатдории миллӣ нақши тақдирсозу ҳалкунанда бозид”.

Воқеан, қабули ин санади муҳими сиёсӣ аз тариқи раъйпурсии умумихалқӣ дар таърихи 6 ноябри соли 1994 яке аз дастовардҳои бузурги даврони соҳибистиқлолии кишвар мебошад. Ин санади олии сиёсиву ҳуқуқӣ роҳи рушди минбаъдаи давлати соҳибистиқлоли тоҷиконро барои садсолаҳо муайян кард.

Дар Конситутсияи Тоҷикистон арзишҳои олии миллии мо, сохторҳои давлат, волоияти қонун ва ҳуқуқу озодиҳои инсон, яъне ҳақ доштан ба зиндагии озод, гиромидошти қадру номуси шаҳрванд ҳамчун арзиши олии давлатдорӣ эътироф ва муайян карда шудаанд.

Мардуми Тоҷикистон бо қабули ин санади олии сиёсиву ҳуқуқӣ ба ҷомеаи ҷаҳонӣ эълом кард, ки соҳиби давлати демократӣ, ҳуқуқбунёд, дунявӣ ва ягона асту арзишҳои миллии худро гиромӣ медорад, тамомияти арзии худро эътироф менамояд, ҷонибдори ҷомеаи адолатпарвар аст ва бо ҷомеаи ҷаҳонӣ дар асоси эҳтироми баробарҳуқуқӣ ва таҳкими дӯстиву бародарӣ муносибат мекунад.

Бовар дорам, ки мардуми сарбаланди шаҳри бостонии Панҷакент ҳамеша бо эҳтиром гузоштан ба ин санади олии ҳуқуқӣ ва риояи дақиқи меъёрҳои он вазифаи шаҳрвандии худро сарбаландона иҷро хоҳанд кард, зеро гиромӣ доштани муқаррароти Конститутсия кафили таъмини қонуният, пирӯзии адолату амният ва сулҳу суботи сиёсӣ дар ҷомеа мебошад.

Бо ҳамин орзуву ният санаи фархундаи 31-умин солгарди қабули Конститутсияи Ҷумҳурии Тоҷикистонро бори дигар шодбош гуфта, бо боварӣ изҳор медорам, ки ҳамдиёронии арҷмандамон дар партави нишондодҳои Конститутсия, дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашни фархундаи 35-солагии Истиқлоли давлатии Ҷумҳурии Тоҷикистонро бо корҳои ободониву созандагӣ ва дастовардҳои назаррас дар тамоми соҳаҳо истиқбол мегиранд.

Рӯзи Конститутсияи Ҷумҳурии Тоҷикистон муборак бод!

Фармони Президенти Ҷумҳурии Тоҷикистон аз 29 августи соли 2025, №1070 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1998-2007-и Ҷумҳурии Тоҷикистон ба хизмати ҳарбӣ” дар шаҳри Панҷакент пеш аз мӯҳлати муқарраршуда ба иҷро расонида шуд.

Бо роҳандозии корҳои тарғиботӣ ва ташкилию сафарбарӣ аз ҷониби мақомоти иҷроияи маҳаллии ҳокимияти давлатии шаҳр дар ҳамкорӣ бо комиссияи шаҳрии даъват, мақомоти ҳифзи ҳуқуқ, комиссариати ҳарбии шаҳр, ҷамоатҳои деҳот 480 нафар ҷавонон ба хидмати ҳарбӣ сафарбар карда шуданд.

Ҷолиби қайд аст, ки қисми зиёди даъватшавандагон бо хоҳиши худ хидмат ба Модар – Ватанро ихтиёр намуданд.