Дар деҳаи Деваштичи Ҷамоати деҳоти Халифа Ҳасани шаҳри Панҷакент барои муассисаи таҳсилоти умумии №1 бинои нав бунёд карда мешавад.

Тавре зимни боздиди раиси шаҳр Абдухолиқ Холиқзода аз рафти сохтмони бинои нави мактаб гуфта шуд, бинои собиқи таълимгоҳ имкони фарогирии беш аз 570 нафар хонандагонро аз ин деҳаи наздишаҳрӣ надошт.

Бо дастгирии мақомоти иҷроияи маҳаллии ҳокимияти давлатии шаҳри Панҷакент, сармоягузории Бунёди миллии иҷтимоии маблағгузории Тоҷикистон, ҳамкорӣ бо шарикони рушд сохтмони бинои нави таълимгоҳ, ки дорои ду қабат, 13 синфхона, толор ва дигар ҳуҷраҳои ёрирасон аст, оғоз карда шуд ва ҳоло бинокорони ҶДММ “Гулгун” бо ҷалби техникаи зарурӣ ба гузоштани таҳкурсии бино машғул ҳастанд.

Тибқи лоиҳа бино аз ду қабат, 10 синфхонаи барҳаво, низоми гармидиҳии мустақил, нуқтаи санитарӣ, толори ҷамъомад, синфхонаи махсуси технологияи иттиллотӣ иборат буда, дар ду баст 480 нафар хонандагонро фаро мегирад.

Ба бинокорон барои дар мӯҳлати пешбинишуда, бо риояи қатъии қоидаҳои сохтмон ва сифати хуб анҷом додани корҳо дастур дода шуд.