Сокини деҳаи Қумоқи Ҷамоати деҳоти Лоиқ Шералии шаҳри Панҷакент Сайфиддин Мастонов баъди хатми омӯзишгоҳи касбӣ- техникии шаҳри Калининободи собиқ, ҳоло Левакант, солиёни зиёд ба ҳайси барқкор дар ташкилоту муассисаҳои гуногун кор кардааст ва ӯро чун мутахассиси кордон имрӯз низ қадршиносӣ ва эҳтиром менамоянд.

Раиси шаҳр Абдухолиқ Холиқзода зимни сафари корӣ ба Ҷамоати деҳоти Лоиқ Шералӣ бо ин собиқадори барӯманд мулоқот намуда, ба ӯ барои меҳнати бисёрсола изҳори сипос намуд.

Дар сӯҳбат собиқадори меҳнат изҳор дошт, ки дар заминаи сиёсати иҷтимоии муваффақи Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон кишвари мо батадриҷ рушд карда, барои зиндагии босаодати мардум шароити мусоид муҳайё карда мешавад.

Дар ҷараёни сафари корӣ раиси шаҳр дар деҳаи Ғӯсар ҳамчунин бо шароити зиндагии модари танҳо, озодакори беморхонаи минтақавӣ Иззатуллоева Анора шинос шуда, барои таъмиру таҷдиди хонаи истиқоматии ӯ тасмим гирифта шуд.

Ба собиқадори меҳнат ва ин модари танҳо тӯҳфаҳои пулию молӣ тақдим карда шуд.