Дар маҷлиси назоратии назди раиси шаҳри Панҷакент дар доираи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, муовини аввали раиси Маҷлиси миллии Маҷлиси Олии Ҷумҳурии Тоҷикистон, раиси вилояти Суғд, муҳтарам Раҷаббой Аҳмадзода масъалаҳои муҳими рӯз мавриди баррасӣ қарор дода шуд.

Раиси шаҳр Абдухолиқ Холиқзода зимни шунидани гузориши муовинони раиси шаҳр ва роҳбарони як қатор корхонаю муассисаҳо барои вусъат бахшидани рафти иншооти ба муносибати ҷашни 35- солагии истиқлоли давлатии Ҷумҳурии Тоҷикистон бунёдшаванда, иҷрои нақшаи воридот ба буҷет, вазъи таълиму тарбия ва омодагӣ ба зимистон дар муассисаҳои таълимӣ, шудгори заминҳо ва кишти тирамоҳӣ, пешниҳоди ҳисоботи омори саҳеҳ, корҳои тазагию ободонӣ дар шаҳр ва ҷамоатҳои деҳот, дигар масъалаҳои муҳими рӯз ба масъулин дастур дод.