ҲУНАРИ БОНУВОНИ ПАНҶАКЕНТ БОИСИ ТАҲСИН ГАШТ
2024-04-25 12:05:56
Дар даврони истиқлол бо дастуру роҳнамоии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таваҷҷӯҳ ба рушду эҳёи ҳунарҳои мардумӣ ва таомҳои миллӣ афзуда, ба ин хотир ҳамасола озмунҳо баргузор шуда, бонувони ҳунарманд аз дастгирии Ҳукумати мамлакат барои сайқали ҳунари худ бархурдор мешаванд.
Ҳунари бонувони Панҷакент дар фестивал- озмунҳои “Сад ранги чакан” ва “Кадбонуи беҳтарин”, ки дар Боғи Ирам, амфитеарти “Аҳорун” ва Боғи Куруши Кабири пойтахти мамлакат баргузор шуд, сазовори таҳсини тамошобинони зиёд ва Сипосномаи Кумитаи кор бо занон ва оилаи наздди Ҳукумати Ҷумҳурии Тоҷикистон гардид.
