Мақомоти иҷроияи маҳаллии ҳокимияти давлатии шаҳри Панҷакент

  • Новости
  • > БОЗДИДИ РАИСИ ШАҲР АЗ ҶАМОАТИ ДЕҲОТИ ФАРОБ
single-product

БОЗДИДИ РАИСИ ШАҲР АЗ ҶАМОАТИ ДЕҲОТИ ФАРОБ

2022-10-24 09:33:46

Тибқи нақшаи боздидҳо аз ҷамоатҳои деҳот ин навбат раиси шаҳри Панҷакент Абдухолиқ Холиқзода дар заминаи дастурҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва супоришҳои муовини аввали раиси Маҷлиси миллии Маҷлиси Олии Ҷумҳурии Тоҷикистон, раиси вилояти Суғд, муҳтарам Раҷаббой Аҳмадзода аз Ҷамоати деҳоти Фароб боздид намуд.
Сафари кории раиси шаҳр аз Ҷамоати деҳоти Фароб аз ошноӣ бо рафти хидмати сарҳадбонон дар дидбонгоҳи сарҳадии мустақар дар ҳудуди ҷамоати деҳот оғоз шуд. Раиси шаҳр бо шароити хидмати сарҳадбонон шинос шуда, бо афсарону сарбозон сӯҳбат намуд ва ба онҳо як миқдор маводи хурока чун тӯҳфа тақдим карда шуд.
Дар рафти сафар раиси шаҳр ҳамчунин бо фаъолияти муассисаҳои таҳсилоти миёнаи умумии № 10 ва 54, беморхонаи минтақавии деҳа, кооперативи тиҷоратии “Ғелониён”, рафти сохтмони муассисаи таълимӣ дар маҳаллаи навбунёди деҳа шинос шуд.
Дар саҳни бинои МТМУ №54 раиси шаҳр бо фаъолони Ҷамоати деҳот мулоқот анҷом дода, ба дархосту пешниҳодҳои онҳо посух гуфта, ба масъулон ҷиҳати ҳалли қонунии онҳо дастур дод.
Дар рафти сӯҳбату мулоқотҳо раиси шаҳр таваҷҷӯҳи фаъолони Ҷамоати деҳот ба вусъат додани корҳои ободонӣ, истифодаи босамари ҳар қитъа замин, роҳандозии дурусти таълиму тарбия дар муассисаҳои таълимӣ, омода намудани ҷавонон ба хидмати ҳарбӣ, омодагиҳо ба ҷашни 35-умин солгарди истиқлоли давлатии Тоҷикистон ҷалб карда шуд.