ДАР ДЕҲАИ РУКНОБОДИ ДЕҲОТИ ВОРӮ РОҲҲОИ МАҲАЛЛӢ МУМФАРШ КАРДА МЕШАВАНД
2026-09-16 11:13:39
Бо дастгирии мақомоти иҷроияи маҳаллии ҳокимияти давлатии шаҳри Панҷакент ва саҳмгузории соҳибкорон ва сокинон мумфарш намудани кӯчаҳои деҳаи Рукнободи деҳоти Ворӯи шаҳри Панҷакент оғоз шуд.
Тавре зимни боздиди раиси шаҳр Абдухолиқ Холиқзода гуфта шуд, ҳоло мумфарш намудани қисми кӯчаҳои деҳа дар масофаи беш аз 1500 метр идома дошта, ба ин кор мутахассисни роҳсоз ва техникаи зарурӣ ҷалб шудааст.
Ба соҳибкорону сокинони деҳа барои ин иқдом изҳори сипос намуда, онҳо даъват шуданд, ки дар оянда низ дар ободии деҳа ва мумфарш намудани роҳҳои маҳаллӣ саҳм гузоранд.
Дар доираи нақшаи омодагиҳо ба ҷашни 35- солагии истиқлоли Ҷумҳурии Тоҷикистон бо саҳгузории сокинон дар ҳудуди ҷамоати деҳот наздик ба 7 километр роҳҳои маҳаллӣ мумфарш карда шудаанд.
