Дар шаҳри Панҷакент тибқи нақшаи ободонию бунёдкорӣ бунёди иншоти таъиноти гуногун, аз ҷумла 48 бинои баландошёнаи истиқоматӣ бо марказҳои тиҷоратӣ ва хидматрасонӣ идома дорад ва рафти корҳо дар онҳо зери назорати пайвастаи мақомоти иҷроияи маҳаллии ҳокимияти давлатии шаҳр қарор гирифтааст.

Дар ин росто раиси шаҳр Абдухолиқ Холиқзода аз рафти сохтмони иншооти бунёдшавандаи иҷтимоӣ дар шаҳр дидан намуд.

Зимни боздид аз рафти сохтмони кӯдакистон дар хиёбони Абӯабдуллоҳ Рӯдакӣ, беморхонаи кӯдакон дар кӯчаи Терешкова, бинои маъмурии Маркази минтақавии баҳисобгирии инфиродии Агентии суғуртаи иҷтимоӣ ва нафақа дар шаҳри Панҷакент, идомаи сохтмони қисмати дуюми бозори нави шаҳр, майдони пазироӣ ва дарвозаи рамзии дармадгоҳи ғарбии шаҳр ба масъулони ниҳодҳои марбутаи шаҳрдорӣ ва ширкатҳои бинокорӣ ҷиҳати суръат бахшидан ба корҳо ва эътибори ҷиддӣ ба сифати сохтмон дастуру супориш дода шуд.

Дар ҷараёни боздидҳои имрӯза ҳамчунин аз рафти сохтмони биноҳои баландошёна бо марказҳои тиҷортиву хидматрсонӣ, ки аз ҷониби ширкатҳои бинокории “Манзилшоҳ”,”Дилшод- сохтмон”, “Комил биносоз”, “Васли Моғиён”, “Панҷакентсоз” сохта мешаванд, дидан карда, барои тибқи лоиҳа, бо намои зебо ва дар мӯҳлати пешбинишуда анҷом додани корҳо супориш дода шуд