Мақомоти иҷроияи маҳаллии ҳокимияти давлатии шаҳри Панҷакент бо яке аз калонтарин корхонаҳои саноатии кӯҳии мамлакат- корхонаи муштараки “Зарафшон”, ки дар ғанӣ гардонидани буҷет ва ҳалли масоили иҷтимоӣ нақши босазо дорад, ҳамкории густардаро ба роҳ мондааст.

Густариши минбаъдаи ин ҳамкориҳо дар мулоқоти раиси шаҳр Абдухолиқ Холиқзода бо директори генералии ин корхонаи азими саноатӣ Оуян Лунао баррасӣ карда шуд.

Дар сӯҳбат ҷонибҳо масъалаҳои дар сатҳи баланди ташкилӣ таҷлил намудани ҷашни 35- солагии истиқлоли давлатии Ҷумҳурии Тоҷикистон дар корхона, васеъ намудани истеҳсолот, партовгоҳи ҷадид дар ҳудуди корхона, идомаи бунёди нақб дар маҷрои шохоби дарёи Моғиён, саҳмгузорӣ дар ҳалли масъалаҳои иҷтимоӣ, аз ҷумла бунёди мактаб, вусъат бахшидани таҷдиди пойгоҳи обкашӣ дар деҳаи Косатарош, ки бо маблағгузории корхона сурат мегирад, ҳуҷҷатгузории заминҳои ҳудуди коргоҳ, рафти бунёди манзил барои сокинони деҳаи Хумгарон ва дигар масъалаҳои мавриди назари тарафҳоро матраҳ намуданд.

Дар мулоқот идомаи минбаъдаи ҳамкориҳо барои рушди истеҳсолот дар корхона ва ҳалли масоили иҷтимоӣ муҳим арзёбӣ карда шуд