Дар толори Кохи фарҳанги шаҳри Панҷакент, ба номи Олим Бобоев бо иштироки раиси шаҳр Абдухолиқ Холиқзода, собиқадорон ва кормандони соҳаи тандурустии шаҳр ба ифтихори Рӯзи кормандони соҳаи тиб ва зодрӯзи олими бузург, ҳаким Абӯалӣ ибни Сино ҷамъомади тантанавӣ баргузор шуд.

Дар оғози ҳамоиш 25 нафар собиқадорони соҳа арҷгузорӣ намуда, онҳо бо тӯҳфаҳи идона қадршиносӣ карда шуданд.

Дар паёми табрикии раиси шаҳр ба ин муносибат гуфта шуд, ки дар даврони истиқлол бо роҳнамоии Пешвои миллат, Президенти Ҷумҳурии Тоҷикистон муҳтарам Эмомаӣ Раҳмон бо такя ба таҷрибаи таърихии тибби тоҷик ва дастоварҳои тибби муосир соҳаи тандурустии мамлакат, аз ҷумла шаҳри Панҷакент, рушд карда, заминаи моддӣ- техникии он тавсеа ёфта, ба ин соҳаи ҳаётан муҳим ҳамасола то 30 дарсади буҷети маҳаллӣ масраф карда мешавад.

Дар фарҷоми ҷаласа ба як гурӯҳ духтурон, кормандони миёнаи тиб нишони “Аълочии тадурустии Тоҷикистон”, сипосномаи раёсати тандурустии вилоят, мақомоти иҷроияи маҳаллии ҳокимияти давлатии шаҳр ва тӯҳфаҳои хотиравӣ тақдим карда, аз ҷониби санъаткорони шаҳр барномаи ҷолиби ҳунарӣ пешкаш карда шуд.

Дар ин рӯз ҳамчунин собиқадорони соҳаи тандурустӣ, духтури амрози занона Нусратулло Бобокалонов дар деҳаи Дашти Малла ва дар деҳаи Кабудсанг озодакор Раъно Холова, ки беш аз 40 сол дар муассисаҳои тиббии шаҳр меҳнат кардаанд,аёдат карда, ба онҳо тӯҳфаҳои идона тақдим гардид.