БОЗДИД АЗ РАФТИ БУНЁДИ КӮДАКИСТОН ВА ТАБОБАТГОҲИ АТФОЛ
2026-07-30 10:19:10
ар шаҳри Панҷакент дар доираи нақшаи бунёдкориҳо ба ифтихори ҷашни 35- солагии истиқлоли давлатии Ҷумҳурии Тоҷикистон ва фароҳам овардани шароити мусоид барои тарбия ва табобати кӯдакон сохтмони иншооти гуногун идома дорад.
Раиси шаҳр Абдухолиқ Холиқзода аз рафти бунёди бинои нави табобатгоҳи кӯдакон, ки бо маблағгузории буҷети маҳаллӣ барои дар як вақт ба табобат фаро гирифтани 200 нафар сохта мешавад, дидан намуд.
Дар идомаи боздидҳо рафти бунёди кӯдакистон дар ҷои собиқ боғчаи бачагони “Азамат” дар хиёбони Рӯдакӣ низ мавриди таваҷҷӯҳ қарор дода шуд. Ин бино бо усули шарикии давлат ва бахши хусусӣ сохта мешавад ва барои ба тарбияи томактабӣ фаро гирифтани 200 нафар пешбинӣ шудааст.
Зимни боздидҳо ба паймонкорони сохтмони ин биноҳо - ширкатҳои бинокории “СУ- 3” ва “ Сада-2017” барои тезонидани суръати корҳо дастур дода шуд
