БОЗДИД АЗ ФЕРМАИ ПАРВАРИШИ МУРҒОБӢ ВА МОҲӢ
2026-07-16 11:01:01
Дар деҳоти Сӯҷина нахустин фермаи парвариши мурғобӣ дар шаҳри Панҷакент фаъолият мекунад. Он бо дастгирии мақомоти иҷроияи маҳаллии ҳокимияти давлатии шаҳр аз ҷониби соҳибкор Мурод Ҳасанов дар наздикии соҳили дарёи Зарафшон ташкил карда шудааст.
Тавре ҳангоми боздиди раиси шаҳр Абдухолиқ Холиқзода гуфта шуд, ҳоло ин ҷо 1500 сар мурғобӣ ба парвариш гузошта , барои ин дар 2 гектар заминҳои бекорхобидаи соҳилӣ ҳавз ташкил намуда, ҳамчунин барои нигоҳдории онҳо бино сохта шудааст.
Парвариши мурғобӣ барои истеҳсоли гӯшти парҳезӣ пешбинӣ шуда, соҳибкор ҳоло аз паи зиёд намудан саршумори он мебошад.
Дар шафати он ҳамчунин барои парвариши моҳӣ ҳавз сохта, дар он наздик ба 15 ҳазор сар моҳӣ нигоҳдорӣ мешавад.
Дар идомаи сафари корӣ аз рафти соҳилбандии дарёи Зарафшон дар ҳудуди деҳоти Сӯҷина ва ҷамъоварии ҳосил картошка дар хоҷагиҳои деҳқонӣ боздид карда шуд.
