13.07.2026 ОҚИБАТИ ОФАТИ ТАБИӢ ДАР ДЕҲОТИ ШИНГ БАРТАРАФ КАРДА МЕШАВАД
2026-07-14 08:44:32
Санаи 11 июли соли равон ба асари боришоти зиёд ва баланд шудани сатҳи оби дарёи Шинг ба манзилҳои истиқоматӣ, иншооти ёрирасон, заминҳои кишт, роҳу пулҳо, хати обу барқ дар деҳаи Рашнаи Поёни деҳотии Шинг хисороти зиёд ворид шудааст.
Комиссияи ҳудудии мақомоти иҷроияи маҳаллии ҳокимияти давлатии шаҳри Панҷакент оид ба ҳолатҳои фавқулодда ба ҷои ҳодиса ҳозир шуда, барои бартараф намудани оқибатҳои ин офати табииӣ чораҳои фаврӣ андешид.
Азназаргузаронии пешакӣ маълум намуд, ки аз офати табиӣ 48 манзил ва иншооти ёрирасон, 2 пул, 5 симчӯб ва 500 метр ноқили барқ, 1300 метр роҳ зиён дида, як нақлиёти сабукрав корношоям гаштааст.
Ҳоло бо ҷалби се адад техникаи муҳандисӣ ва ҷалби аҳолӣ корҳо ҷиҳати бартарафсозии оқибати офати табиӣ оғоз шуда, тоза кардани роҳ ва маҷрои дарёи Шинг ва соҳилбандӣ, барқарор намудани хати барқ ва дигар корҳо идома дорад.
Комиссияи ҳудудии мақомоти иҷроияи маҳаллии ҳокимияти давлатии шаҳри Панҷакент оид ба ҳолатҳои фавқулодда дар ҷои ҳодиса қарор дошта, баҳисобгирии зиёни аз офати табиӣ расида ва рафти бартараф намудани оқибати офати табиӣ зери назорати пайваста қарор дода шудааст.
