Дар деҳаи Миндонаи деҳоти Ёрии шаҳри Панҷакент бо дастгирии мақомоти иҷроияи маҳаллии ҳокимияти давлатии шаҳр ҷиҳати иҷрои Барномаи маҷмӯавии рушди чорводорӣ, паррандапарварӣ, моҳипарварӣ ва занбӯриасалпарварӣ дар Ҷумҳурии Тоҷикистон барои солҳои 2023-2027 марҳилаи аввали фермаи мурғпарварии соҳибкори маҳаллӣ Муфтоҳиддин Нарзиев ба фаъолият оғоз намуд

Дар ҷараёни боздид ба раиси шаҳр Абдухолиқ Холиқзода иттилоъ дода шуд, ки дар навбати аввал ин ҷо 12 ҳазор сар ҷӯҷаи мурғи гӯштӣ ба парвариш гузошта шудааст ва он минбаъд то ба 60 ҳазор сар расонида мешавад. Ин навъи мурғҳои бройлерӣ дар муддати 40 рӯз барои куштан омода мешаванд.

Дар идомаи сафари корӣ зимни боздид аз ҳавзҳои моҳидорӣ, ки соҳибкор Аслиддин Фахриддинов дар соҳили дарёи Зарафшон ташкил кардааст, гуфта шуд, ки ин ҷо ҳоло 12 ҳазор сар моҳичаҳои навъи амури пешонисафед ба парварпиш гузошта шудааст ва он миннбаъд зиёд карда мешавад.

Зимни боздид ин иқдоми соҳибкорон шоиста арзёбӣ шуда, барои дар мӯҳлати кӯтоҳ ба анҷом расонидани сохтмони ферма, зиёд намудани саршумори мурғ ва моҳӣ барои парвариш дастур дода шуд.