ДАР ЗАМЧОРРАҲА КОРХОНАИ КОРКАРДИ МАЪДАН БУНЁД МЕШАВАД
2026-07-02 09:36:17
Дар қарибии деҳаи Замчорраҳаи деҳоти Шинги шаҳри Панҷакент ширкати ватанӣ корхонаи коркарди маъдани сурма ва тилло бунёд менамояд.
Ин мавзеъ болотар аз кӯли ҳафтуми силсилакӯлҳои Ҳафткӯл ҷойгир буда, қаблан геологҳо он ҷо захираи маъдани сурма ва тилло кашф карда буданд. Дар ин замина ҳоло Ҷамъияти дорои масъулияти маҳдуди “Рушди саноат” ин ҷо ба бунёди корхонаи коркарди ин маъодин шурӯъ намудааст.
Тавре зимни боздиди раиси шаҳр Абдухолиқ Холиқзода гуфта шуд, ҳоло аз ҷониби ширкат бо ҷалби мутахассисон захираи маъдани кашфшуда бозбинӣ шуда, корҳои иктишофӣ идома дода мешавад.
Дар ҳудуди корхонаи ояндаи коркарди маъдан барои кормандон хобгоҳ, амбори нигоҳдории намунаҳо сохта, кушодани роҳу дигар корҳои ниҳодина идома дорад.
Бо бунёди ин корхонаи саноати кӯҳӣ даҳҳо нафар сокинони маҳаллӣ ва мутахассисон ба кори доимӣ ҷалб шуда, он як манбаъи муҳими ғанигардонии бучет ҳам мешавад
