КОРГОҲИ ШИФЕР ИСТЕҲСОЛИ МАҲСУЛОТРО МЕАФЗОЯД.
2025-08-29 09:52:29
Нахустин коргоҳи истеҳсоли шифер дар шаҳри Панҷакент, ки моҳи июли соли равон бо иштироки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор гирифта буд, ба тадриҷ истеҳсоли маҳсулотро зиёд менамояд.
Тавре зимни боздиди раиси шаҳр Абдухолиқ Холиқзода аз корхона иттилоъ дода шуд, ҳоло когарон бо маслиҳату тавсияи мутахассисон идора кардани мошину механизмҳоро омӯхтаанд ва дар ҳар баст то 1500 дона шифер истеҳсол карда мешавад.
Харидорон ба сифати маҳсулоти коргоҳ баҳои баланд медиҳанд ва он дар бозори масолеҳи бинокорӣ мақоми худро пайдо менамояд.
Ҳоло дар корхона дар ду баст 26 нафар коргарону мутахассисон ба кор фаро гирифта шудаанд ва бо анҷом ёфтани бунёди коргоҳи коркарди қуму шағал, ки ҳоло насби таҷҳизоташ идома дорад, боз чандин ҷойҳои нави корӣ ташкил хоҳад шуд.
Коргоҳи истеҳсоли шифер бо сармоягузории соҳибкорони маҳаллӣ бунёд шуда, бо назардошти талаботи бозор дар як шабонарӯз то 5 ҳазор дона шифер истеҳсол карда метавонад.
