Таҳти ин унвон дар Кохи фарҳанги ба номи Олим Бобоев бо ибтикори шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар водии Зарафшон ва мусоидати мақомоти иҷроияи маҳаллии ҳокимияти давлатии шаҳри Панҷакент бо иштироки роҳбарияти мақомоти иҷроияи маҳаллии ҳокимияти давлатии шаҳр, шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар водии Зарафшон, прокуратура, шуъбаи Вазорати корҳои дохила ва дигар мақомоти ҳифзи ҳуқуқ, роҳбарон ва кормандони муҳосиботи корхонаю муасисаҳо конфронсияи илмӣ- амалӣ баргузор шуд.

Зимни маърӯзаю гузоришҳои раиси шаҳр Абдухолиқ Холиқзода, сардори шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар водии Зарафшон Насриддин Низомзода, прокурори шаҳр, мушовири адлияи дараҷаи 1 Искандар Раҳматзода, ректори донишкадаи омӯзгории Тоҷикистон дар шаҳри Панҷакент Муаззамхон Ансорӣ ва намоиши наворҳои тарғиботӣ оид ба паҳлӯҳои гуногуни нақши аҳли ҷомеа дар мубориза бо коррупсия, оштинопазирӣ ба амалҳои коррупсионӣ, баланд бардоштани маърифати ҳуқуқии ҷомеа, таҳкими фаъолияти комиссияҳои ҷамъиятӣ оид ба ин масъала, иҷрои талаботи “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” дар ҳар корхонаю муассиса ва дигар масъалаҳои вобаста ба баланд бардоштани нақши ҷомеа дар мубоиза бо амалу падидаҳои коррупсионӣ сухан рафт.

Дар ҷараёни конфронси илмӣ – амалӣ чанде аз иштирокчиён мулоҳизаҳояшонро оид ба ин мавзӯъ баён доштанд.

Дар фарҷоми конфронс изҳори умед карда шуд, ки дар мубориза бо коррупсия, ки ба эътибори давлату ҷомеа хатар эҷод мекунад, аҳли ҷомеа саҳми арзанда мегузоранд.