Дар мақомоти иҷроияи маҳаллии ҳокимияти давлатии шаҳри Панҷакент кадрҳои нав, ки ба вазифаҳои масъул таъин гардидаанд, муаррифӣ карда шуданд.

Аз ҷумла, дар мувофиқа бо мақомоти марказии ҳокимияти давлатӣ бо қарорҳои раиси шаҳр Истамов Маҳмадғафур Асламович ба вазифаи сардори раёсати кишоварзӣ, Азизмуродов Комрон Абдуллоевич ба вазифаи мудири бахши сохтмон ва меъморӣ ва Усмонбадалов Бурҳон Икромович ба вазифаи сардори идораи сохтмон ва меъмории мақомоти иҷроияи маҳаллии ҳокимияти давлатии шаҳр таъйин шуданд.

Инчунин бо пешниҳодҳои раиси шаҳри Панҷакент Пӯлотзода Алишер Абдураҳим бо фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон иҷрокунандаи вазифаи сардори шуъбаи ҳифзи муҳити зист дар шаҳри Панҷакент ва Истамов Икромқул Сатторович бо фармоиши директори генералии КВД “ Хоҷагии манзилию комуналӣ”-и Кумитаи хоҷагиии манзилию комуналии назди Ҳукумати Ҷумҳурии Тоҷикистон ба вазифаи директори КДФ “Хоҷагии манзилию комуналии шаҳри Панҷакент” таъйин гардиданд.

Иброҳимов Азалшоҳ Шафоатович бо фармоиши вазири тандурустӣ ва ҳифзи иҷтимоии аҳолии Ҷумҳурии Тоҷикистон иҷрокунандаи вазифаи роҳбари шабакаи муассисаҳои кумаки авалияи тиббию санитарии шаҳри Панҷакент таъин карда шуд.

Дар идомаи маҷлис оид ба иҷрои дастуру супоришҳое, ки дар ҷаласаи назоратии назди раиси вилояти Суғд муҳтарам Раҷаб Аҳмадзода гузошта шуданд, аз ҷумла пешгирии қонуншиканӣ дар истифодаи барқ, тавсеаи омодагӣ ба даъвати тирамоҳии ҷавонон ба хидмати ҳарбӣ, иҷрои нақшаи омодагиҳо ба ҷашни 35- солагии истиқлоли давлатии Ҷумҳурии Тоҷикистон, тайёрӣ ба давраи зимистон ва дигар масъалаҳои муҳими рӯз ба масъулин дастур дода шуд.