Намояндагони Шӯрои байналмилалии ҳунармандӣ дар ҳайати муовини раиси минтақаи Осиё ва Уқёнуси Ороми Шӯро Сандип Кумар, коршиносон Паула Манфреди, Соника Соника Кар ва узви Шӯро аз Тоҷикистон Абдуқаҳҳор Ҳамдамов, ки бо даъвати мақомоти иҷроияи маҳаллии ҳокимияти давлатии шаҳри Панҷакент ва мусоидати Ҳукумати Ҷумҳурии Тоҷикистон бо мақсади баҳодиҳӣ ба пешниҳод ҷиҳати пазироии шаҳри Панҷакент ба узвияти ин Шӯро дар номинатсияи сӯзанӣ

ҳамчун “Шаҳри ҷаҳонии ҳунармандӣ” аз шаҳри Панҷакент дидан намуда, бо намунаи ин ҳунари қадима ва анъанавии мардумӣ шинос шуданд , ба он баҳои баланд доданд.

Ҳайати комисияи баҳодиҳии Шӯро аз намоишгоҳи сӯзанӣ дар Кохи Лоиқ, Маркази сӯзанӣ, Маркази кулолгарӣ, дар хона ва коргоҳи ҳунармандон бо намунаи ҳунарашон, осорхонаи ҷумҳуриявии ба номи Рӯдакӣ, ёдгориҳои таърихии шаҳр дидан намуданд.

Комиссияи баҳодиҳӣ тибқи дархости ирсолшуда таърих, анъана ва густариши ҳунари сӯзанидӯзиро дар шаҳри Панҷакент омӯхта, бо намунаҳои он, маҳсули дасти бонувони ҳунарманд шинос шуд ва хулосаашро ба Шӯрои байналмилалии ҳунармандӣ пешниҳод менамояд.