ОҚИБАТИ БОРИШОТ БАРТАРАФ КАРДА МЕШАВАД
2024-11-22 16:59:51
Ба асари боришоти бошиддати шаби 20 ба 21 –уми ноябри соли равон дар деҳаҳои Сафобахш, Хӯҷағариб ва Амондараи Ҷамоати деҳоти Амондара селоба ба роҳ, хонаҳои истиқоматию ёрирасон, варзишгоҳи навбунёд хисорот ворид намуд.
Гуфта шуд, ки ба асари борони пуршиддат ва сел дар ин деҳаҳо як хонаи истиқоматӣ ғайри қобили зист шуда, ба нӯҳ ҳавлӣ селоба ворид шуда, роҳи байни деҳаҳо аз лою қум пур шуда, дар деҳаи Хӯҷағариб ҳамчунин варзишгоҳи навбунёд осеб дидааст.
Бо дастури раиси шаҳр барои бартараф намудани оқибати сел техникаи зарурӣ ва сокинони деҳаҳо сафарбар шуда, дар муҳлати кӯтоҳ роҳҳо аз лою қум тоза карда, барои ба ҷои бехавф кӯчонидани хонаҳои дар маҳалли сел воқеъбуда ва бартараф намудани оқибати офати табиӣ тадобири зарурӣ андешида мешавад.
