БОЗДИД АЗ ГАРМХОНАИ НАВ
2024-10-10 14:22:46
Муовини раиси вилояти Суғд Суҳайлӣ Қурбонов зимни боздид аз шаҳри Панҷакент бо раиси шаҳр Абдухолиқ Холиқзода дар мавзеъи Қаволаи шаҳр аз гармхонаи нав, ки бо технологияи замонавӣ муҷаҳҳаз аст, дидан намуд.
Иттилоъ дода шуд, ки гармхона дар масоҳати як гектар бо мусоидати мақомоти иҷроияи маҳаллии ҳокимияти давлатии шаҳр аз ҷониби соҳибкор Муродқул Юсуфов бунёд шуда, бо таҷҳизоти замонавӣ муҷаҳҳаз гардонида шудааст.
Дар гармхона ҳамаи равандҳои парвариш, обу ғизодиҳӣ, муқарар намудани ҳарорати ҳаво бо истифода аз технологияи ҳозиразамон бо усули куриёӣ ба роҳ монда шудааст.
Ҳоло дар гармхона беш аз 20 ҳазор бех кӯчати навъҳои серҳосили қаланфури булғорӣ, бодиринг, помидор ва тути заминӣ шинонида шудааст ва сабзиши онҳо хуб арзёбӣ мешавад.
