Дар шаҳри Панҷакент дар доираи нақшаи омодагиҳо ба ҷашни 35- солагии истиқлоли давлатии Ҷумҳурии Тоҷикистон то оғози моҳи равон 984 иншооти таъиноти гуногун мавриди истифода қарор дода шуд, ки ин барбари 100 дарсади нақша аст. Баробари ин ҳоло сохтмони беш аз 40 бинои баландошёна ва дигар иншооти таъиноти истеҳсолию иҷтимоӣ идома дорад.

Раиси шаҳр Абдухолиқ Холиқзода аз рафти сохтмони як қатор иншооти бунёдшаванда, аз ҷумла таъмиру таҷдиди осоишгоҳи “Шифо”, бунёди Маркази оши палов дар ҳудуди он, бинои маъмурии Маркази минтақавии баҳисобгирии инфиродии раёсати Агентии суғуртаи иҷтимоӣ ва нафақа дар шаҳри Панҷакент, бинои нави беморхонаи кӯдакон барои 200 кат дидан намуда, барои тезонидани бунёди онҳо ба масъулин ва ширкатҳои сотмонӣ дастур дода шуд.

Дар ҷараёни боздид аз рафти сохтмони бозор дар ҳудуди собиқ коргоҳи консерв иттилоъ дода шуд, ки он дар масоҳати беш аз 780 метри мураббаъ сохта мешавад ва дар он беш аз 400 нуқтаи савдоро ҷой додан мумкин аст. Дар бозори нав, ки барои соҳибкорони бозори “Гулистон”, ки ба асари сӯхтор корношоям гардидааст, пешбинӣ шудааст, ҳоло беш аз сад нафар бинокорони ширкати “Саноаттаъминот” машғули кор ҳастанд.

Ба масъулони ширкат барои дар кӯторҳтарин фурсат анҷон додани корҳо дастур дода шуд.